Qezaya Qisle ya Dêrsimî de hemwelatîyê bi nameyê Murat Karakaşî seba ke vera Qeymeqamê Qisle nêrazîbîyayîşê xo mojna ame destbendkerdene.

Qeymeqamê Qisle yê Dêrsimî Ugur Tutkanî pê hêzanê çekdaran Cemxaneyê Duzgun Babayî û îdarekaranê cemxaneyî ro gefî wendbî. Nêrazîbîyayîşê vera qeymeqamê faşîstî nêqedîyenê.

Qezaya Qisle de hemwelatîyê bi nameyê Murat Karakaşî zî medyaya dîjîtale ser o vera qeymeqamî nêrazîbîyayîşê xo mojna. Polîsan serê sibayî eşt keyeyê Karakaşî ser û bi bahaneya vilakerdişê medyaya dîjîtale o destbend kerd.