Roja Pêncşemê bo Amerîkayê rojek dîrokî ye jiber ku Senatoyê Ketanji Brown Jackson wekî yekem jina Reş ku dê di Dadgeha Bilind da kar bike pejirand.

Pejirandina Ketanji Brown ya 51-salî tê wê wateyê ku mêrên spî yekem car di 233 salan da di dadgeha bilind ya Amerîkayê da di piraniyê da nabin.
Serok Joe Bidenî ew yek ji bo netewa Amerîkayê wek "demeke dîrokî" bi nav kir.

Serokê Piranîya Senatoya Demokrat Chuck Schumer got "Ev guhertina dîrokî diviyabû ku nifşên berê çêbiba... lê em her gav li ser rêyek ber bi yekîtiyek baştir ve dimeşin. Lê dîsa jî, Amerîka îro ji bo ku yekîtiya me baştir bike, gavek mezin dihavêje."

"Mirov carcaran ser kesayetîyên dîrokî diaxivin; dadger Jackson dê wekî kesayetîyek Amerîkî ku hinek din li ser milên wê bilind dibin, bikeve dîrokê. Û dê demokrasiya me ji ber wê çêtir be."

Jackson piştgirî ji sê Komarîyên Senatoyê wergirt di dema proseya pejirandinê ya dijwar da û Bidenî bo yekem namzedê xwe ya Dadgeha Bilind erêkirina dupartî, ya 53-47 piştrast kir.