Keyeyanê wendekaranê Mektebê Hêzê Hewayî ê ke hepisxane de yê cezaya muebetî girewta seba edaletî, Îstanbul de vernîya bînaya Teşkîlatê AKP yê dest bi çalakîya roniştişî kerd.

Keyeyî Îstanbul, Kayserî û Denîzlî ra amey û vernîya binaya AKP de kom bîyî. Keyeyan aşkere kerd ke heta ke netîceyêk nêgîrî fek çalakîya xo ra veranêdanî.

Polîsan vernîya bînaya AKPî de tedbîrî girewtî û destûr nêday ke wa keyeyî şêrê mîyanê bîna. Dima ra keyeyan teberê barîyeran de dest bi çalakîya roniştişî kerd. Polîsan destûr nêda ke wa rojnamegerî vîdeo û fotografan biancî.

Tay keyeyî medyaya sosyalî de vîdeo û fotografî pare kerdî û waştişê xo wina îzah kerd: “Ma asin eşt tîya. Heta ke edalet nêro ca, ma tîya de yî. Wa Serekkomar vengê ma zî bieşnawo. Tu sucê qicanê ma çin o.”