Hêrişê rejîmê Îranî yê vera çalakîyanê protestokerdişê Jîna Emînî dewam kenî. Ame zanayene ke na reye keyeyê Jîna Emînî rê cezaya hepsê keyeyî ameye dayîş.

Cinîya kurde Jîna Emînî 13ê êlule de Tehran de seba ke 'gijikê ci aseno' hetê polîsanê rejîmê Îranî ra ameye derbkerdene û 16ê êlule de zî dinyaya xo bedilnaye. Îran û Rojhelatê Kurdistanî de çalakîyê protestoyî yê vera qetilkerdişê Jîna Emînî roja 42. de dewam kenê. Her çend ke rejîmê Îranî hêrişanê xo bizêdno zî çalakgerî bi rojan o kuçeyan nêteriknenî û bedelnayîşê sîstemî wazenî. Goreyê xebera kanalê Al Arabîya, rejîm seba ke çalakîyan bivindarno, cezaya hepsê keyeyî da keyeyê Jîna Emînî.