Heta niha nêzîkî ji sedî 95ê dengan hatine hejmartin û hêdî hêdî hejmara kursiyên partiyan zelal dibe.

Dengdana hilbijartinên Parlamentoya Kurdistanê îro saet 07:00an dest pê kir saet 18:00an xelas bû.

Xelkê Herêma Kurdistanê çû ser sindoqan û dengê xwe da partî, lîste û nazmedên serbixwe.

Li gorî agahiyên Tora Medyayî ya Rûdawê, heta niha herî kêm ji sedî 95ê dengan hatine hejmartin û hejmara kursiyên partiyan bi vî rengî ye:

Partiya Demokrat a Kurdistanê (PDK): 40 kursî

Yekîtiya Niştimanî ya Kurdistanê (YNK): 23 kursî

Newey Niwê (Nifşê Nû): 16 kursî

Yekgirtû: 7 kursî

Komeleya Dadgeriyê: 3 kursî

Helwest: 3 kursî

Eniya Gel: 2 kursî

Goran: Kursiyek

Divê were gotin ku Parlamentoya Kurdistanê ji 100 kursiyî pêk tê û 5 kursiyên mayî kota ne û ji pêkhateyan re hatine veqetandin.