Serekê Pêroyî yê CHP Kemal Kiliçdarogluyî yew roportaj da BBC û va: Cayê safîkerdişê meseleya Kurd meclis o. Bi weçînayîşê 23ê Hezîrane CHP zî Ak Partî zî naye fehm kerda.

Serekê Pêroyî yê CHP Kemal Kiliçdarogluyî derheqê weçînayîşê meheli yê Îstanbulî û safîkerdişê meseleya Kurd de qisey kerd. Kiliçdarogluyî wina va: Kurdê ke Îstanbul de cuyenê zafê xo vanê “Hukmatê Ak Partî ma perişan kerdo. Tirkîya de demokrasi çin a û ma hetê AK Partî ra bîyê perişan” seba ke HDP demokrasi waşta weçînayîşê 31ê Adare û weçînayîşê 23ê Adare de desteg daya ma. Qerarê HDP qerarêko rast o.  La na rastî zî estba ma 10 serrîyo ke bajaranê Kurdan de weş xebitîyenê.  Ez her serre 5-6- hewe şina uca û kombîyayîşan kena. 

Kiliçdarogluyî derheqê meseleya dayîşê heqanê Kurdan de zî wina va: Kurdan heta nika hukmatî ra paiwit ke heqanê înan bido.  La nika Kurdan fehm kerd ke hukmatê AKP heqanê înan nêdano û înan xepîneno. Aye ra Kurdî nika bîyê nêzdîyê ma. Hem AKP hem HDP zî fehm kerdê ke cayê safîkerdişê meseleya Kurd meclis o. Eke ma pêro qayîlê wa na mesela bêra safîkerdiş ca bellu yo. Ma do meslîse de na mesela safî bike