Mewlido Kirdkî, mernewîya Yûsûf û Zelîxa û Qasîdeyê Kerbela hetê Mela Mehemed Elî Hûnîyî ra ameyê nuştene.

Mela Mehemed Elî Hûnî Paliyij o. Mela Mehemed tehsîlê xo yê medreseyî cîya-cîya cayanê Kurdistanê Bakûrî de dîyo. Mela dima şîyo dewa xo û bi serran tîya de melatîya dewe kerda. Mela Mehemed Elî raşta zî ziwanî bi westatî şuxilneno. Şima ke berhemanê ey biwanê, şima raştê çekuyanê zaf kehen û dewlemendan yenê. Mala berhemanê xo de hema vajê çekuyê pêro mintiqayanê Kirdan şuxilnayê. Ey Mewlidî Pêxamberî 1971î de, Qasîdeyê Kerbela 1970î de, Yûsûf û Zelîxa 1982yî de nuştê. Nê berhemî transkrîbe bîyê û hetê Weşanxaneyê Vateyî ra ameyê çapkerdiş. Eke şima wazenê deryayê Kirdkî de asnawe bikerê, miheqeq nê berhemî peyda bikerê.

Mela Mehemed Elî Hûnî, Kirdkî(Zazakî) Mewlid, Yûsûf û Zelîxa û Qasîdeyê Kerbela, 119 r., Weşanxaneyê Vateyî, Îstanbûl, 2004.