Li gor Ajansa Nûçegihaniya “Kurdpa”yê, di rêpîvîna bêdengî ya xelkê Kirmaşanê de, ku êvareya roja 18ê Sermaweza 1401an a Rojî, li Taqewsanê bi rê ve çûbû, tenê hêzên ewlehî û serkutkar yên Spaha Pasdaran, 86 xwenîşander binçav kirine.

“Kurdpa”yê li gor çavkaniyek xwecihî daye zanîn, ev amare tenê wan kesan ji xwe digire ku ji aliyê hêzên Spaha Pasdaran a terorîst ve hatine binçavkirin û zelal nîne ku hêzên din û bitaybet hêzên Întizamî çiqas xwenîşanderên xelkê Kirmaşanê binçav kirine.

Êvareya roja Înê, rêkevta 18ê Sermaweza 1401an a Rojî, biryar bû ku xelkê Kirmaşanê bi rêpîvanek bêdengî li Bilwara Taqewsan heta sêrêya Meskenê, tevlî gireva seranserî bibin, lê  ev rêpîvana xelkê û aştîxwazane, bi midaxileya hêzên ewlehî yên serkutkar ber bi tundûtîjiyê ve çû û hejmarek zêde ji xelkê nerazî hatine girtin.