Kiştoxê keyeyê Dedeogullarî Mehmet Altun badê 6 rojan erazî de ame tepiştene. Heto bîn ra vejîya werte ke qirkerdiş grûba Whatsappî de ameyo plankerdiş.

Qezaya Meramî ya Konya de 30ê temmuze de Mehmet  Altunî keyeyê kurdî ra Yaşar Dedeogullari (65), Serape Dedeogullari (36), Serpîle Dedeogullari (32), Sîbele Dedeogullari (30), Îpeke Dedeogullari (57), Metîn Dedeogullari (45) û Bariş Dedeogullari (35) qetil kerdbî û dima ra keyeyê înan dabi adirî ver û remabi.

Kiştox Altuno ke 6 rojî yo vînîbîyaye yo vizêr erazî de ame tepiştene. Goreyê eşkerayîya Serdozgerîya Komare ya Konya kiştox erazîya taxa Uçpinarlarî ya qezaya Bozkirî de cayo ke xo nimitêne de ame tepiştene.

Vizêr zî 14 kesê ke rîyê qirkerdişî ra ameybî destbenkderdene înan ra 10 kesî ameybî tepiştene ke mîyanê înan de cinî, dayîke, pî û birayê kiştoxî Altunî zî estê.

Heto bîn ra avûkatê keyeyê Dedeogullarî Abdurrahman Karabulutî da zanayîş ke qirkerdiş grûba Whatsappî de ameyo plankerdiş. Karabulutî hesabê xo yê Twîtterî ra na eşkerayî da û va: ''Vejîya werte ke kiştox têna nêyo, badê hêrişê 12ê gulane ke vera keyeyê Dedeogullari ame kerdene keyeyê hêrişkarî grûba Whatsappî naye ro û "irkerdiş organîze kerd.''