Açarnayîşê kitabê Celâlzâde Mustafa Çelebîyî yê Selîmnâmeyî de herinda ‘Kurdistan’ de ‘Dîyarê Şerqî’ ame nuştene.

Selîmnâme hetê tarîxnasê Osmanîyan Celâlzâde Mustafa Çelebîyî ra ameyo nuştene. Orîjînalê kitabî wextê Selîmê 2yinî de ameyo weşanayîş. Kitab wexto ke açarîyayo Tirkî, qismê ke tede Kurdî û Kurdistan vîyerenê ameyê tehrîfkerdiş. Kitab hetê endamanê verênî yê Zaningehê Ercîyesî Prof. Dr. Ahmet Ugur û Dr. Mustafa Çuhadarî ra bi nameyê ‘Celâlzâde Mustafa û Selîm-Nâmeyê ci’yî ameyo açarnayîş. Açarnayîşî de çekuya Kurdistan ameya sansurkerdiş. Herinda Kurdistan de ‘Dîyarê Şerqî’ ameyo nuştene.

No açarnayîş hetê Wezaretîya Perwerdeyî ra mîyanê ‘Rêza Berhemanê Fikrî’yî de amebi weşanayene.