![Koalîsyon: Me ji bo Pêşmergeyan 1 milyar dolar xerc kiriye](https://www.rupelanu.com/d/news/31365.jpg)
Koalîsyon: Me ji bo Pêşmergeyan 1 milyar dolar xerc kiriye
.
Fermandariya Hêzên Hevpeymaniya Navneteweyî ya li dijî DAIŞê (Koalîsyon\CJTF-OIR) ragihand ku wê di maweyê 8 salan de 1 milyar dolar ji bo pirçekkirin û perwerdeya Pêşmergeyan xerc kiriye.
CJTF-OIRê li ser xebatên xwe yên bi Wezareta Pêşmergeyan a Herêma Kurdistanê re daxuyaniyek belav kir.
CJTF-OIRê da zanîn ku di maweyê 8 salan de wê 1 milyar dolar ji bo pirçekirina Pêşmergeyan xerc kiriye û aniha xebatên wê yên yekkirina Hêza Pêşmergeyan jî berdewam dike.
“Şêwirmendî û perwerdeya Pêşmergeyan berdewam dike”
CJTF-OIRê di berdewamiya dayuyaniyê de amaje bi wê yekê jî kir, ew aniha dixebitin da ku hemû Hêzên Pêşmergeyan di bin serperiştiya Wezareta Pêşmergeyan de kom bikin.
Li gorî daxuyaniya CJTF-OIRê perwerde, şêwirmendî û bernameya pirçekkirina Hêza Pêşmergeyan jî berdewam dike.
12ê Tîrmeha 2016an Wezareta Parastinê ya Amerîkayê û Wezareta Pêşmergeyan ji bo 10 salan rêkeftineke leşkerî îmze kiribû.
Li gorî rêkeftinê, dê heta 10 salan Wezareta Parastinê ya Amerîkayê di warên wekî şêwirmendiya leşkerî, rahênan û pirçekkirinê de hevkariya Wezareta Pêşmergeyan bike.
CJTF-OIR piştî êrişa DAIŞê ya 2014an a li ser Mûsilê bi serperiştiya Amerîkayê û bi beşdariya 87 welatan hatibû damezirandin.
NÛÇEYE ŞÎROVE BIKE
JI kerema xwe re şîroveyên xwe jî bi gramera kurdî ya rast û tîpên kurdî binivîsin