Komên milîsên îranî yên Iraqê ku Heşda Şeibî û Hizbullaha Iraqê jî di nav de ne, gef li hikûmeta Iraqê ya Serokwezîr Mistefa Kazimî xwarin û gotin, heger girtineke wekî ya fermandarê Enbarê yê Heşda Şeibî Qasim Muslih pêk were, ew dê wan kesên ‘êrîşkar’ desteser bikin û bixin girtîgehê.

Komên milîs ên bi ser Îranê ve bi daxuyaniyekê ragihandin ku pêwîste yek ji efserên ofîsa Kazimî ku navê wî nedane, ji kar bê dûrxistin û fişar li ser hikûmetê danîn.

Di daxuyaniya Ebu Elî el-Eskerî belav kiriye de, li ser navê komên milîs û Heşda Şeibî tê xwestin, 3 daxwazên wan ji aliyê hikûmeta Iraqê ve werin bicihkirin ku li dijî tawanbarkirina Qasim Muslih ji aliyê Kazimî ve derketin û gotin, heger girtineke wiha were dubarekirin jî ew dê heta wan kesên êrîşkar nexin girtîgehê ranewestin.

Herwiha hat diyarkirin ku Qasim Muslih bi rêkeftineke navbera hikûmetê hatiye berdan û piştî fişara çavkaniyên siyasî ew biryar hatiye bicihkirin.