Kerîm Şingalî di gotara xwe de ragihand ku bîrokeya çaksaziyê di Wezareta Pêşmerge de, yekem car di dîdareke Serok Barzanî û Wezîrê Bergiriya Birîtanya de hat behskirin, piştre ew bîroke bû pêşinyar û pilan ji bo reforma giştî ji Wezareta Pêşmerge re hatin danîn û Amerîka û Almanya jî amadebûna xwe ji bo piştevanîkirina wê piroseyê dan xuyakirin.

Şingalî diyar kir, ku komîteyek ji bo wê mebestê hat pêkanîn û navê wê kirin Borda Çaksaziyê û heya niha wê komîteyê 35 kombûn lidar xistiye, di gava yekem de, komîteyê pirojeyek ji 35 xalan ji bo çaksaziyê amade kir û Wezareta Pêşmerge razîbûna xwe li ser wî pirojeyî da.

Kerîm Şingalî zelal kir, ku yek ji pêngavên Wezareta Pêşmerge ji bo çaksaziyê, damezirandina Rêveberiya Çaksaziyê ye û niha hejmarek efser ji bo wê Rêveberiyê hatine veguhestin û beşdariyê di korsên taybet ên çaksaziyê de dikin.

Eşkere jî kir, ku ji koma 35 xalan ji pirojeyê çaksaziyê, 5 xal hatine bicîkirin û di dema pêş de wê kar li ser bicîkirina  8 xalên din bê kirin û pirose berdewam dibe heya bidawî bê.