Konsulxaneyên giştî û nûnertiyên dîplomasiyê yên Yekîtiya Ewropayê û 12 welatên cîhanê yên li Herêma Kurdistanê, daxwazê ji Parlamentoya Kurdistanê û Hikûmeta Herêma Kurdistanê dikin ku hemû gavên pêwîst biavêjin, da ku hilbijartin bêyî paşxistin werin encamdan.

Îro Sêşemê 16ê Gulana 2023an, konsulxaneyên giştî û nûnertiyên dîplomasiyê yên Brîtanya, Amerîka, Almanya, Holanda, Kanada, Yekîtiya Ewropayê, Fransa, Çekya, Yûnanistan, Îtalya, Bulgaristan, Polanda û Romanya di daxuyaniyeke hevbeş de, destxweşiyê li Hikûmeta Herêma Kurdistanê û Parlamentoya Kurdistanê û xelkê Herêma Kurdistanê dikin "ji ber pabendbûna wan a berdewam bo bingeh û nirxên demokrasiyê û pêşwazîkirina li ruhê nûbûna hevkariya navbera aliyan".

Di daxuyaniya hevbeş de, daxwazê ji Parlamentoya Kurdistanê û Hikûmeta Herêma Kurdistanê dikin ku hemû gavên pêwîst biavêjin, da ku hilbijartin bêyî paşxistin werin encamdan.

Konsulxaneyên giştî û nûnertiyên dîplomasiyê yên Yekîtiya Ewropayê û 12 welatên cîhanê, tekeziyê li ser girîngiya hilbijartinên azad û dadperwerane dikin, ji ber vê yekê, em daxwazê ji hemû aliyên pêwendîdar û aliyên siyasî û hemû aliyên din ên pêwendîdar ên Herêma Kurdistanê dikin ku bi awayekî hevbeş kar bikin û ji wan astengiyên ku mane derbas bibin ji bo encamdana proseya hilbijartinan.

Herwiha di daxuyaniyê de hatiye destnîşankirin ku encamdana hilbijartinan were garantîkirin ku pabend be bi pîvanên navdewletî û mafên hemû welatiyan biparêze, ji wan jî; jin û kêmnetew, ji bo beşdarbûna di proseya demokrasiyê de.

Ev daxuyaniya konsulxaneyên giştî û nûnertiyên dîplomasiyê yên Yekîtiya Ewropayê û 12 welatên cîhanê yên li Herêma Kurdistanê, piştî civîna îro ya herdu polîtburoyên PDK û YNKê tê, ku tê de tekezî li ser bilezkirina gavên yasayî û siyasî kirine ji bo encamdana hilbijartinên Parlamentoya Kurdistanê.