Koordînasyonê Hesenkeyfî va: “Awbendê Ilisûyî bi mîlyonan ganeyan û Hesenkeyfî ser o tehdîdêko pîl o” û seba wayîrvejyayîşê Hsankeyfî veng da.  

Koordînasyonê Hesenkeyfî vizêr beyanatêko nuştekî weşana. Beyanat de nê çîyî amey vatiş:

“Awbendê Ilisûyî û projeyê HES’î do qasê 400 kîlometreyî tesîrê bi mîlyonan ganeyan bikerê. Pîya bi ê Hesenkeyfo ke 12 hezarî serre tarîxê ci esto û 300 wareyê arkeolojîkî yê ke tede yê do binê awe de bimano. 20-22’ê Temmuze de bê ke çîyêk bêro vatene fekê awbendî ame girewtiş û awe awbend de yena pêser. Awa gola awbendî roje bi roje bena zêde û merdimê ûcayî nêzanê do awe key bireso serê ware û erdanê înan. Bi gola awebendî vejîyayo werte ke Tirkîya peymannameyê Neteweyê Yewbîyayeyî binpay kerdê. Mîyanê çend mengan de Hesenkeyf û 300 qilî do binê awe de bimanê. Ganî Awbendê Ilisûyî û projeyê HES’î bêro vindarnayene û fekê awbendî bêrê akerdene û awe bêro vengkerdene. Ma veng danê heme entellektuelan, roşinvîran, partîyanê sîyasîyan û organîzasyonanê cinî û ciwanan ke bêrê ma pîya seba Hesenkeyfî û Newala Dîcle mucadele bikerê.”