Nuri Aldur 

Gelî xendevanên Rûpela nû, dema ez dibêjim kovarên kurdî YÊN KEVN -  ez  ne qala demên șerên dinyayê yên yekemîn anjî dûemîn dikim û nejî qala dema mîrê edebîyat û zimanê kurdî  gorbihișt Celadet Bedirxan dikim. Bila lêkolîner û pispor kovarên wan deman tespît, analîz, û bo me ronayî bikin. Ezê li ser dema 1990 an û vir de bisekinim, ji ber ku ewan kovaran di pirtûkxana minî mal ê de hene û li ber destênminin. Ez qala wan kovaran dikim ku ji zûde ye ewan hatine sekinandin anjî bi gotinekedin jîyana xwe yî belavkirinê/derketinê tewaw kirine.                                                                                                

Bê goman mîna hemû materîalên edebî, rola kovaran jî di agadarî, ronîkirin û pêșxistina zanyarîya kes û gelande mezine. Kovar perîodîkin û ji rewșa bernamên xwe(hûner, politîka, welat, gel û her yên mîna wan) ne dûrin anjî xwedî aktûalîta, plan û armancên xwe ne. Piranîya van kovarên ku ezê wan bi we bidime nasîn(anjî belkî peyvoka nasîn li vir xelet bê) anjî bibîr bînim – yên kesên me yî ku ji Bakûrî welêtin û ewan kesan bi xwe jî hingî ne gelek salin ku li Swêdbûn, balam kesera gel û welat di dilên wan de û her xurt û aktîv teșwîkî vî karî (kovar derxistin) dikir.Û hêvîdarim ku bo nifșên me yî nû, eve xebat û berhem,  mîna nûçe û nasandinêbe.             

Evan kovaran helbet piranî li ser babetên politîka û rewșa Kurd û Kurdistanin. Yên tenê li ser hûner û kulturên jî hene û bê goman kovarên ku her dû babetan jî pêșkêș - û belavdikin hene. Ev jî di rûhê kurdayetîya me de ye ku zahmete em van her du babetan jev biveqetênin anjî wan jev durbixin. Di doza kurdîde her du babet mîna goșt û hestû li gel hevin. Ji xwe politîka dijmin jî me mecbûr dike ku rewș weha bibe. Ezê di nivîsa xwe yî werê de anjî bi gotinekedin dû hefteyêndin li ser yek ji van kovaran rawestim û planê min ewe ku qala 5-6 kovaran bikim.Erê ezê çi binivîsim/çi bikim?                                                                          

Ezê hinek danasîn anjî agadarî li ser tema kovarê, redaksîyonê, armanc û hedefên kovarê çine/çibûn û analîzekeminî kurt bo vê berhemê bo we xwendevanan pêșkêș bikim.                                                                                Heya hingî di xêr û xweșîyê de bimênin