Raporta ku bi salan e Baroya Amedê bo Beşa avahisaziya adlî, Forensic Architecture ya di bin Kolêja Goldsmith a Zanîngeha Londonê, daye amadekirin, bi rayagiştî re hat parvekirin.

Di raportê de hat diyarkirin ku di bûyerê de, 3 polêsên di nava kolanê de tawanbar in ku weke A, C û D hatine kodkirin.

Di raporta ku di 14ê Kanûna 2018an de bo Serdozgeriya Komarê ya Amedê hatiye pêşkêşkirin de, hat eşkerekirin ku ev hersê polêsên bi kodên A,C û D, li ser xeta ku dikarîn gule berdin Tahîr Elçiyî bûn û tê dîtin ku di wê kêliyê de, çekên xwe bi bandor bi kar anîne û di nav wan de polêsê bi koda C, tekane polês e ku li ser xeta ku bi awayekî eşkere û bêasteng gule berdaye Eliçiyî.