Weqfê Cigêrayîşî û Kulturê Kurd (KURD-KAV) Îstanbul de bi yew kombîyayîş kongreya xo kerd. 

Tesîlkarê PAK, PSK û HAKPAR’î  beşdarê kongreya KURD-KAV’î bîy.

Kongre ra ver Sereka verêne Fîsun Kiliçkape yew qisêkerdiş kerd. Fîsun Kiliçkape qisêkerdişê xo de kesê ke mîyanê 2 serran de seba weqfî xebate kerdê, emeg dayê înan rê sipas kerd û waşt wa nika ra tepîya zî seba KURD-KAV’î xebate bikerê.

Dima ra serekê dîwanî M.Celal Baykara qisê kerd. Baykarayî qisêkerdişê xo de behsê muhîmîya weqfî kerd û va: Beno ke xebatê weqfî kêmî bîy la o weqf seba ma zaf qîmetin o.  Ma qayîlê wa Kurdê ma wayîrê nê weqfî vejîyê.

Dima ra namê PAKî ser o M. Gül, namê PSK ser o M. Kara, namê HAKPARî ser L. Epozdemir qisêkerdişêk kerd.

Qisêkerdişan ra dima rayverîya newî ya KURD-KAVî amey weçînayîş.