WEQFA CIGÊRAYÎŞ Û KULTURÊ KURDKÎ RA KONFERANS

ERDNÎGARÎYA KURDAN DE KOMELÊ BAWERÎYAN:

YARESAN, KAKEYÎ, RAYA HEQÎ, ŞEBEK Û ÊZIDÎ

9-10 TEŞRÎNA PEYÊNE 2024 / OTELÊ DEMÎRÎ DÎYARBEKIR

Rojhelatê Mîyanênî de, erdnîgarîya komelkîya Kurdan de sistemê bawerîye bi 'Îslamî' name bîyo. Lîteraturê sîyasî û akademîkî, nê kevneşopî de yan rasterast yan zî nêrasterast bîyo û tay rewşan de zî aye viraşto. La nê erdnîgarî de, zaf sistemê bawerîye û komelî estê ke bi temamî binê versîya Îslamî de nêmanênê.

Her çiqas mabênê înan de tay ortaxî estê zî, nê her yew komel xo rê taybetiyan de wayîr ê. La nê komelî pêro binê versîya 'Îslamî' de sey yew grûba gird mendê û heta ke rejîmanê sîyasîyanê Îslamî ra polîtîkaya dûrvistiş û tasfîye dîyê. Nê her yew nasnameyî, tecrubeanê tarîxîyanê negatîfan ra pirr ê.

Na konferans de, erdnîgarîya Kurdistanî de komelê ke qalê înan beno, taybetmendîyê înanê bingehênî yê namekerdiş, astê înanê asayîşî û şeklê înan, şeklê rûbirûbîyayîş-dûrvistişê înan bi komelê Îslamî û rejîmanê sîyasîyan ra ûsn. do perspektîfê zereyê komelan û cigêrayîşanê akademîkan ra biyêro analîzkerdiş.

PROGRAM:

9ê TEŞRÎNA PEYÊNE 2024

· Destpêkê Konferansî

· Roniştişê 1. (Saete 10:00 ra heta 13:00) Rîtuel û taybetmendîyê bawerîyanê dînî

Qalîkerdoxî:

Hemîd Reza Huseyîn Şemsînîya - Rojhelatê Kurdistanî - Zanyarê Dînî

Xeyrî Îbrahîm Koro - Duhok - Zanyarê Dînî

Eyad Kakeyî - Hewlêr - Serekê Baroya Hewlêrî, Avukat

Ali Doğan - Zanyarê Dînî

Moderator: Seîd VEROJ

· Roniştişê 2. (Saete 14:00 ra heta 17:00) Erdnîgarîya xo de serpêhatîyê bawerîyanê dînî

Qalîkerdoxî:

Eyûb Kuxe Rustem Kerîm - Silêmanî - Nuştar û Cigêrayox

Nîmet Emîn Zehmetkêş - Rojhelatê Kurdistanî - Nuştox û Cigêrayox

Seîd Cirdo Meto - Duhok - Serekê Merkezê Kulturê Laleşî

Selahattin Ali Arık - Nuştar û Cigêrayox

Moderator: Seîd VEROJ

10ê TEŞRÎNA PEYÊNE 2024

·Roja 2. ya konferansî de saete 10:00 ra heta 13:00 û 14:00 ra heta 17:00 do bi beşdarîya hemê qalîkerdoxan û beşdaran bi hawayê pers û cewaban bêro viraştiş.

Moderator: Köroğlu KARAASLA