Lajê siyasetmedarê Kurdî Vedat Aydinî o ke serra 1991 de hetê dewlee ra amebi kiştiş, Şevder Aydin 33 serrîya xo de rîyê nêweşîya Corona ra wefat kerd.

Şevder Aydin, 10 rojî verê cû Başûrê Kurdistanî de bajarê Hewlêrî de bi vîrusê Corona kewtbi û  3 rojî verê cû wedarîyabi  Anqara.

Şevder Aydin şewa bîne Nêweşxaneyê Anqara de dinyaya xo bedilna.

Dadîya Şevder Aydinî, Şukran Aydin vana ke, “Ma her cayê Kurdistanî gêrayê la ma nêeşkay derzîna Corona peyda bike. Şevder  10 rojî verê cû bi Corona kewt û badê ke rewşa weşîya ey giran bî ma berd Anqara. Lajê mi şewa bîne Anqara de wefat kerd.”

Şukran Aydin va, do tirmê lajê mi ewro wedarîyo Amed û uca de bÊro definkerdiş.

Şukran Aydin vana, semedo ke cezaya mi esta ez nêeşkena şêra merasîmê cenazeya lajê xo.

Birarzayê  ey Serhat Aydinî va, tirmê ey do dewqa Heciya Kurdana girêdayîyê qezaya Bismilî ya Amedî de kişta babîyê ey Vedat Aydinî de bêro definkerdene.