Navenda Nûçeyan- Wezareta Derve ya Amerîkayê di daxuyanyekê de ragihand, Mike Pompeo û Sergey Lavrov di vê hevdîtina xwe de çend mijarên berfireh ên herêmî û dualî gotûbêj dikin.

Li gor medyaya Rûsyayê, rewşa Sûrîyê û di nav de jî Rojavayê Kurdistanê û herwiha rewşa Ukraynayê du mijarên serekî yên civîna navbera Pompeo û Lavrov in.

Amerîka meha derbasbûyê li ser civînên Komîteya Destûrê hat ser xetê û ragihand ku Serokê Sûrîyê Beşar Esed demê didize û naxwaze rêkeftin were kirin.

Komîteya Destûrê ya navbera hikûmeta Sûrîyê û Opozisyonê heta niha civînek li Cinêvê saz kirîye û Neteweyên Yekbûyî jî pêkanîna wê komîteyê û lidarxistina civîna wê wek pêngaveke girîng pênase kirîye.

Di bendewarîya civîna duyem de artêşa Sûrîyê rojane navçeyên jêr kontrola Opozisyonê li Idlib û derdora wê bombebaran dike.

Ew yek di demekê deye ki ji sala 2017an ve ev cara yekê ye ku Lavrov diçe Amerîkayê.

Çavkanî: Rûdaw