Navenda Nûçeyan - Ji ber ku nivîseke bi navê “Hûn nikarin ji ber qedera serobino baz bidin” nivîsandîye û ev nivîs di 5ê Gulanê de di rojnameya Evrenselê û malpera Arti Gerçekê de hatîye weşandin, lêpirsîname ji bo nivîskar, weşanger, mafparêz Ragip Zarakoluyû hatîye destpêkirin.

Piştî ku nivîs hatîye weşandin Serokomar Recep Tayyîp Erdogan û Serokê Ragihandinê yê Serokomarîyê, Fahrettîn Altunî gilîyê Zarakolûyî kiribûn. Li ser vê rewşê Buroya Lêpirsînên Sûcên Birêxistinkirî û Terorê ya Serdozgerîya Komarî ya Stenbolê bi tohmeta ku “mesaja derbeyê daye û xwestîye sîstema Destûrî biguherîne” lêpirsînname daye amadekirin.

Ahmet Ozel, Parêzerê Recep Tayyîp Erdogan, Serokomar û Serokê Giştî yê Partîya Dad û Geşepêdanê gilîye Zarakoluyî kiribû. Ozelî di daxwaznameya xwe de dîyar kirîye ku Zarakolû bi nivîsa xwe Serokwezîr Adnan Menderesê hatîye darvekirin û Recep Tayyîp Erdogan dane ber hev.

Çi bûbû?

Nivîskar û rojnameger Ragip Zarakolû nivîsek bi navê “Hûn nikarin ji qedera serobino baz bidin” nivîsandibû. Nivîs di 5ê Gulanê de li rojnameya Evrenselê û malpera nûçeyan a Arti Gerçekê hatibû weşandin. Di wêneyê nivîsê de Serokoomar Recep Tayyîp Erdogan û Serokwezîrê darvekirî Adnan Menderes li kêleka hev hatibû danîn.

Serokatîya Ragihandinê ya Serokomarîyê heman rojê bi tohmeta ku sûc li dijî sîstema Destûrî ya Komara Tirkîyeyê û Serokomar Erdoganî kirine gilîyê Zarakolûyî kiribû. Xwestibû ku doz bê vekirin.

Zarakolûyî daxuyanîyek dabû û gotibû ku wî di jîyana xwe de her têkoşîn li dijî derbekaran kirîye.

Biryar hatibû standin ku bi sûcê “dixwaze mesaja derbeyê bide û sîstema destûrî hedef bigire” lêpirsîn bê kirin.

Bianet