Almanya/ Rûpelanû-M. Alî Yildirim

Li Hamburgê, di 73yemîn salvegera îlankirina Komara Kurdistanê de, Pêşewa Qazî Mihemed, Pêşewayê Leşkerî yê Komara Kurdistanê Mele Mustafa Barzanîyê Nemir û hemû damezranêr û kedkarên Komara Kurdistanê, şehîdên Komara Kurdistanê û hemû şehîdên Kurdistanê bi rêzdarî hatin bibîranîn.

Bîranîn Ji aliyê Platforma Kurdên li Hamburgê ve hat organîzekirin û bi axaftina Serokê  Platforma Kurdên li Hamburgê yên her çar pêrçên Kurdistanê  M. Ali Yildirim destpê kir. 
 

Dûre jî Nivîskar û Huquqnas Osman Aydin bi dûvedirêj  gotarek li ser dîroka avakirina Komara Kurdistanê û tekçûna Komara Kurdistanê û giringîya rola komara Kurdistanê pêşkêşî mêvan û beşdaran kir.

Di konferansê de gelek kesên nivîskar, akedemisyen û şexsiyetên cuda cuda ji her çar perçeyên Kurdistanê beşdar bûbûn. Mixabin Heciyê Cindî ji bêr oparasyonekî tenduristiyê nikarîbû beşdarî konferansê bibe. 
 

Piştre gelek pirs hatin kirin û bersiv hatin dayîn û li ser girîngiya "Komara Kurdistanê serbilindiya hemû Kurdistaniyên cihanê ye" hat rawestîn.
 

Platforma Kurdên li Hamburgê got: "Konferansa  Komara Kurdîstanê li Hamburgê bi awayekî serkeftî derbas bû. Em di serî de spasiya xwe ji kek Nivîskar û Huquqnas Osman Aydin re û ji  hemû bêşdarên seminara xwe dikin."