Navenda Nûçeyan - Bûyer şeva bihorî li qezaya Sûrê ya Amedê li bin Pira Farqînê çêbûye.

Li gor agahîyên hatine belavkirin, di navbera du grûpan de nîqaş derketîye û paşê rewş veguherîye şerê bi dar û kêran.

Di pevçûnê de 3 kes birîndar bûne ku birîna 2 kesan dijwar e.

Her sê birîndar bi ambulansan bo nexweşxaneyê hatin veguhestin û polîsan jî dest bi lêpirsînê kirin.

Li ser agahdarkirina alîyên peywendîdar, tîmên tendirûstî û hêzên ewlekarîyê bo cihê bûyerê hatin şandin.

Hinek kes bi tohmeta ku tevlî şer û pevçûnê bûne desteser kirin û birin qereqolê. Li alîyê din zerar gehişte otomobîlên li cihê bûyerê, lê heta niha nayê zanîn ka çima di navbera herdû grûpan de şer derketîye.

Sedem an sedemên pevçûna wan herdu grûpan nehatîye zanîn.