Parêzgeriya Diyarbekirê ji bo 176 gund û mezrikên 4 navçeyên Diyarbekirê qedexeya derketina kuçe û kolanan ragihand. Li gorî daxuyaniya parêzgeriyê: 30 gund û 30 mezrikên Farqînê, 30 gund û 60 mezrikên Pasûrê, 7 gund û 8 mezrikên Liceyê û 4 gund û 7 mezrikên Hezroyê ji bo operasyonên li hember endamên PKK’ê ji çûnehatê re hatine qedexekirin û qedexeya li ser gund û mezrikên navborî dê heta bangewaziyeke duyemîn a parêzgeriya bajêr dewam bike.

Parêzgeriya Diyarbekirê ragihand ku Qedexeya ku îro (14.02.2018) Demjimêr di 08:00’an de hat ragihandin, dê heta bangewaziyeke duyemîn berdewam bike.