Navenda Nûçeyan- Li gor zanyarîyên çapemenîya fermî ya Îranê îro demjimêr 05:50ê de erdhejek bi hêza 4.7 û 9 kîlometreyan bin erdê de li bajarê Berazcan a ser bi parêzgeha Buşehr a li başûrê Îranê pêkhatîye.

Heta naha derbarê zîyanên canî û madî yê wê erdhejê de ti zanyarî û nûçeyek nehatîye belav kirin.

Çapemenîya Îranê belav kir, her vê sibehê du erdhejên din li bajarê Genawe ya ser bi Buşehr pêkhatine.

Ajansa AFB ya Fransa jî ragehand ku ew erdhej nêzîk sazîyekî atomî ya Buşehrê pêkhatîye.

Li bajarê Buşehrê yek ji sazîyên atomî ya Îranê ya herî mezin hatîye ava kirin û vê derbarê de heta naha zanyarî nehatine belav kirin, ku zîyan geheştîyê yan na.

Basnews