Hat ragihandin, li gundê Çinêra yê girêdayî navenda Batmanê, kesên nenas, êrîşî gora Kurdeke Êzidî kirine û gor wêran kirine.

Di wêneyên gorê de xuya dibe ku kêlikên wê hatine şikandin û gor hatiye kolandin.

Li gor agahiyên bidestxistî wê gora han gora keçeke ciwan a bi navê Sara Gîr e ku 15 sal berê kiras guherandibû û cenazeya wê jî ji Almanyê anîbûn Batmanê li gundê Çinêra bin ax kiribûn.

Li gor nûçeya Batman Çagdaşê, gora Sara Gîr, ji aliyê defînegeran ve hatiye kolandin û kavilkirin li ser egera ku zêr û zîvan peyda bikin.

Di derheqê êrîşkaran de lêpirsîn dan destpêkirin.