Li gor daxuyaniya lijneya navçeya Çemçemalê ya PDKê îro 11.12.2018ê hatiye belav kirin hat ragehandin ku; ‘’Şeva borî demjimêr 11:35ê de destdirêjiya gule li binkeyê lijneya navçeya me ya li Çemçemalê hate kirin, lê ti ziyaneke giyanî çênebû, tenê ziyanê madî pêkhat.’’

Daxuyaniyê de hat gotin: ‘’Em hêvîdarin di demek herî zû de ên ku ev kare pêkanîne bên dîtin.’’

Ev heyama yek mehê zêdetire li parêzgeha Silêmaniyê û bi taybet jî li qeza Çemçemalê bûyerên gule berdan, kuştina xelkê û êrîşa li ser binkeyên partî û rêxistinan pêktên û li gor çavdêran jî ev yek metirsiyek mezine û sedemê wan bûyeran jî bi bêxemiya saziyên ewlehiya sînorê Silêmaniyê ve girêdidin.