Bûyer, li ser rêya Çewlig-Erzerom navçeya gundê Elmali qewimî. Li gor agahiyên hatine belavkirin, minîbûsa ku ji bajarê Ordu yê Tirkiyê vedigeriya Êliha Bakurê Kurdistanê û karkerên demsalî yên bindeqan hilgirtûbûn, ji kontrola şofêr derketiye û wergeriya ye.

Di vê bûyera trafîkê de yek jê giran 20 kes birîndar bûn. Li ser agahdarkirina aliyên peywendîdar tîmên tendirûstî, polîs û cendirme bo cihê bûyerê hatin şandin. 

Birîndar bi ambûlansan bo Nexweşxaneya Dewletê ya Çewligê hatin veguhestin. Hat ragihandin ku derbarê bûyerê de lêkolîn hatiye destpêkirin.