Li gor dawî amarên li seranserî cîhanê hatine belavkirin, hejmara kesên bi vîrusa Koronayê ketine 15 milyon û 45 hezar û 367 kesan derbas kir.

Herwiha ji nava wan pêketîyan jî, 609 hezar û 507 kesan canê xwe jidest dane. Herwiha li seranserî cîhanê 9 milyon û  51 hezar û 55 berketîyên Koronayê jî li seranserî cîhanê baş bûne.

Li gor amaran, Amerîka welatê herî zêde welatîyên wê bi vîrusa Koronayê ketine ye, ku hejmara pêketîyan gihîştîye 3.97 milyon kesan. Herwiha zêdetir ji 144 hezar kesan jî canê xwe jidest dane.

Di pileya duyem a zêdebûna qurbanîyan de Brazîl piştî Amerîka tê, ku zêdetir ji 2.2 milyon kes li wî welatî bi vîrusa Koronayê ketine û zêdetir ji 81 hezar kesan canê xwe jidest dane.

Herwiha Hindistan di pileya sêyemîn tê, zêdetir ji 1,19 milyon kes li wî welatî bi Koronayê ketin û nêzîkî 29 hezar kesî jî canê xwe jidest dane.

Herwiha Rûsya di pileya çaremîn bi 783 hezar pêketîyan tê, lê rêjeya mirina bi Koronayê kêmtir e, ku heta niha 12 hezar 580 kesan canê xwe jidest dane.