Li Cûdiyê operasyona leşkerî!

Li Cûdiyê operasyona leşkerî!

.

A+A-

Tirkiyeyê li Çiyayê Cûdiyê dest bi operasyoneke leşkerî kir.

Wezîrê Karên Navxwe yê Tirkiyeyê Alî Yerlîkaya li ser hesabê xwe yê Xê got ku wan li Çiyayê Cûdiyê yê li parêzgeha Şirnexê ya Bakurê Kurdistanê li dijî PKKyê dest bi operasyonekê kiriye.

Alî Yerlîkaya da zanîn ku Hêzên Taybet ên Cendirmeyan û cerdevanan beşdarî operasyonê dibin.

Li gorî daxuyaniya Yerlîkaya, di operasyonê de şikeftek hatiye teqandin ku cebilxaneya gerîlayan e.

Alî Yerlîkaya got ku hêzên wan dest daniye 753 bombeyên destî, hezar pîmên bombeyên destî, 11 keleşnîkofan, 5 tifingên nîşanê, 3 RPGyan, 2 tifingên lûledirêj û 2 kîlogram kelûpelên teqîner.

Ev bi salan e ku Tirkiye li Bakurê Kurdistanê tim qedexeyan radigihîne û paşê li herêmên qedexekirî “operasyonan” dike.

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin