Li Dagistan ya ser bi Rûsyayê êrîşek li hember Kinîşte û Dêrê pêk hat û di encam de 15 kesan jiyana xwe ji dest dan, 4 terorîst jî hatin kuştin.

Li Komara Xweser a Daxistanê ya Rûsyayê danê êvarê kesên nasnameya wan nediyar êrîşa çekdarî li dijî Kenîşte û dêrê pêk anîn. Di daxuyaniya nivîskî ya wezateta navxwe ya Rûsyayê de hat ragehandin, ku demjimêrên êvarê de Kinîşte û Dêra li Derbentê rastî êrîşê hatin.

Hat ragehandin, li gor daneyên destpêkê 7 jê polîs, bi giştî 15 kesan  jiyana xwe ji dest dan, 4 terorîst jî hatin kuştin û êrîşkar jî bi wesayîteke reng sipî li cîhê bûyerê hilhatine.

Piştî pevçûnê ku di Kinîşteyê de şewat derket, tîmên agirkuj midaxileyê agir kirin. Herwaha tîmeke ku ji rayedarên herêmê û endamên komîteya lêpirsînê pêk tên, masa kirîzê hat avakirin.

Hat ragihandin ku Komîteya Lêkolînê ya Rûsyayê pisporên xwe şandine herêmê û ji bo tesbîtkirina nasnameya êrîşvanan xebat li herêmê hatiye destpêkirin.