Li Parêzgeha Dêrsimê ya Bakurê Kurdistanê di navbera navçeyên Mazgird û Qisleyê de agir bi daristanê ket.

Ji ber sedemeke nehat zanîn agir bi Daristanê Zargoviçê ket û belav bû.

Li ser agahdarkirinê tîmên Rêveberiya Daristanê ya Dêrsimê, tîmên agir vemirandinê û AFADê û tîmên Komeleya Lêgerîn û Rizgarkirinê ya Munzurê çûn cihê bûyerê.

Herwiha ji ber herêmeke çiyayî ye û rê nîne, helîkopter jî ji esman ve beşdarî xebatên vemirandina agir bûn.

Parêzgarê Dêrsimê Bulent Tekbiyikoglu ragihand ku ji Mereş û Meletiyê daxwaza helîkopterên agir vemirandinê kirine û helîkopter gihiştine cihê bûyerê.

Bi gotina Bulent Tekbiyikoglu agir dê di demeke nêzîk de were kontrolkirin û vemirandin.