Li Dêrsîmê cenazê 3 gerîllayên PKKê hatin dîtin
Wezareta Navxwe ya Tirkîyê ragihand ku hejmara gerîlayên PKKê yên di operasyona 31ê Gulanê ku li navçeya Pulur a Dêrsima Bakurê Kurdistanê de hatibû encamdan, canê xwe ji dest dane, ligel 3 cenazeyên îro hatine dîtin gihîşt 6 kesan.
A+A-
Navenda Nûçeyan - Wezareta Navxwe ya Tirkîyê bi daxuyanîyekê bi bîr xist ku artêşa Tirkîyê di 31ê Gulanê de li deverên navçeya Pulur a Dêrsimê li hemberî gerîlayên PKKê operasyoneke bi piştevanîya hezên asmanî ya berfireh dabûn destpêkirin.
Di daxuyanîya xwe de Wezareta Navxwe ya Tirkîyê dibêje di wê operasyonê de 3 gerîlayên PKKê canê xwe ji dest dabûn, di çarçoveya operasyonên berdewam dikin de îro cenazeyê 3 gerîlayên din ên PKKê hatin dîtin.
Li gor daxuyanîyê di heman demê de ligel 2 çekan hejmareke kelûpelên bo teqemenîyan jî hatine dîtin.
Derbarê vê yekê de heta niha ji alîyê PKKê ve ti daxuyanîyek nehatîye belavkirin.
NÛÇEYE ŞÎROVE BIKE
JI kerema xwe re şîroveyên xwe jî bi gramera kurdî ya rast û tîpên kurdî binivîsin