Li Dêrsimê di navbera PKKê û leşkerên Tirkîyê de şer derket

Li parêzgeha Dêrsimê ya Bakurê Kurdistanê, roja Çarşemê di navbera grûpeke gerîlayên PKKê û leşkerên Tirkîyê de şer derket. Li gor agahîyan, di şer û pevçûnan de 3 gerîlayên PKKê jîyana xwe ji dest dane.

A+A-

Navenda Nûçeyan - Walîtîya Dêrsimê têkildarî bûyerê daxuyanîyek belav kir û têde ragihand, ku şer di dema lidarxistina operasyonekê de li navçeya Pulurê çêbûye, ku ji alîyê Fermandarîya Cendirmeyan a Dêrismê ve hatibû destpêkirin.

Di daxuyanîya Walîtîyê de tê gotin, ku di encama pevçûnan de 3 gerîlayên PKKê hatine kuştin û hêzên wan dest danîne ser çekeke M-16, 2 çekên klaşînkov û hin melzemeyên din.

Walîtîya Dêrsimê herwiha destnîşan kirîye, ku li herêmê operasyona hêzên ewlekarîyê didome.

Têkildarî şerê îro yê li Dêrsimê, PKKê hêj ti daxuyanîyek nedaye.

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin