Li parêzgeha Dêrsimê ya Bakurê Kurdistanê ji ber berfa zêde rêya zêdeyî 50 gundan hat girtin. Berfa herî zêde li bajarokên Pulur, Pilemûriye, Qisle û Xozatê dibare.

Tê gotin ku, navçeyên bilind ên wê parêzgeha Bakurê Kurdistanê ku du roj e berf dibare, bandoreke nerênî li jiyana rojane ya xelkê kiriye.

Li gor agahiyên ji Rêveberiya Taybet a Bajêr hatine wergirtin, li tevahiya parêzgehê rêya 58 gundan ji ber berfê hatiye girtin. Rêya 34 gundên Pulur, 19 gundên Xozatê û 5 gundên Pilemirûyê ji çûyîn û hatinê ra hat girtin.

Tîmên Îdareya Taybet a Bajêr û Rêyan dest bi kar û xebatên vekirina rêyan kirine. Barîna berfa zêde bi taybetî li bajarokên Pulur, Xozat û Pilemûriye bûye sedema girtina rêyan. Kar û xebatên vekirina rêyan jî berdewam in.