Îsal jî weke her sal, Cema Xizir li Dêrsimê birêve çû. Li ziyaretgeha Duzgun Baba îsal jî bû cihê pêşwazîkirina bi dehan xelkê Kurd ê Elewî û merasîmên Meha Xizirê birêve çûn.

Tevî berf û boranekî zêde jî, xelkê berê xwe da tirba Duzgun Baba û li wir dua kirin, çira pêxistin û semah gerandin.

Di vê meha Xizirê de ew merasîmên ku birêve çûn, bi serpereştiya Cemxaneya Duzgun Baba bixwe ve hatin rêkxistin.

Kesên ku serdana turba Duzgun Baba kirin, ji bajar û gundên derdorê çûne wir û ji bo dema 2 demjimêran jî di nava berfê de meşiyan.

Kesên hunermend, kesayetên diyar ên Kurdên Elewî û çendîn kesên din beşdarî wan merasîman bûn. Meha Xizirê, dikeve naverasta demsala zivistanê, lê tevî hemû şert û mercên dijwar jî Kurdên Elewî dest ji vê nêrîta xwe bernadin û beşdarî merasîman dibin.