Navenda Nûçeyan - Berpirsê ragehandina rêveberîya berevanîya bajar a Duhokê Bêwar Ebdulezîz ji basnewsê re ragehand: ‘’Li seranserê Duhokê ji ber barana tund û lehîyê, 500 xanî û firoşgehan zerer dîtîye, lê ji wan jî 400 malan av geheştîye nav mala hemwelatîyan bixwe û heta naha 100 firoşgehan jî zîyan dîtîye û 40 wesayît herwaha zerer dîtine. Berdewam tîmên berevanîya bajar ser kar bûne bo parastina jîyana hemwelatîyan û rizgar kirina mal û canê hemwelatîyan li nav kampên koçberan û li hemû qeza û nahyeyên ser bi Duhokê.’’

Herwaha got: ‘’Şeva borî li taxa Serhildan a sînorê Duhokê gelek zîyan çêbûn û wan bûyeran de kesek jî xeniqî û du kesên din hatin rizgar kirin ji xeniqandinê. Gelek deverên din av ketinê nav xanîyên xelkê de û tîmên me karîn jîyana hemwelatîyan rizgar bikin.’’

Basnews