Li gundê Tirmîşa yê ser bi nahiya Şiyê ve li Efrîna Rojavayê Kurdistanê, çekdarên gurûpa Sultan Silêman Şah xwarina xwe li ser gundiyan ferz dikin.
 
Li gorî Rêxistina Mafê Mirovan li Efrînê, çekdarên ku gurûpa ku bi navê Emşat tê naskirin, rojane xwarina xwe li ser maleke gund ferz dikin.
 
Li gorî Rêxistina navborî, li gundê Kaxurê jî, çekdarên heman gurûpê berhemên gundiyan ji simaqê desteser dikin û ji xwe re difiroşin.
 
Li gundê Dargirê jî, çekdarên gurûpa Sultan Mûrad, dest danîn li ser kelûpelên di nav malên xelkê gund de
 
Li nahiyeya Raco jî, rêbendeke çekdaran nêzîkî gundê Berbenê dest datîne ser otomobîlên bi simaqê barkirî û li hember her otomobîlekê, 5000 heta 15000 lireyên Sûriyê ji welatiyan distînin.