Li bajarê Efrînê yê Rojavayê Kurdistanê Erebên hawirde êrişî ciwanekî Kurd kir.

Li gorî agahiyan, hinek Erebên hawirde li nêzîkî Newxweşxaneya Efrînê bi kêran êrişî ciwanê Kurd Rodî Mihemed Çeqel ê 16 salî kir.

Rodî Mihemed Çeqelê ji nahiyaya Cindirêsê, di encama êrişê de birîndar bû.

Piştî bûyerê hinek kesên ku li wê derê bûn, Rodî Mihemed Çeqel veguhast nexweşxaneyê.

Kesên ku êrişî Rodî Mihemed Çeqel kiribûn, heta niha nehatine girtin.

Ev ne cara yekemîn e zarok û ciwanên Kurd rastî êrişên Erebên hawirde tên.

Berê çend rojan li nahiyeya Cindirêsê ya Efrînê Erebekî hawirde zarokê Kurd ê bi navê Ehmed Xalidê 16 salî kuştibû û paşê jî cenazeyê wî avêtibû bîrê.