Li gor Rêxistina Mafê Mirovan li Efrînê diyar kir, koma Polîsa Leşkerî do 25ê Cotmehê bi ser gundê Kefirsefrê yê navçeya Cindirêsê de girt û 10 xort û 2 jin revandin.

Hat destnîşankirin, navên hin kesên revandî hatin piştrastkirin wiha ne: Mustefa Mihemed Xilo, Egîd Mustefa Xilo, Şiyar Ebdilrehman Xilo, Ebdo Bedrî Exres, Hesen Eyûb Ebdo (astengdar e) Mustefa Nûrî Nebatî, Fatime Subhî Nebatî, Almas Tomî û Riyad Diqo Murad.

Li Efrînê niha werzê çinîna zeytûnan e. Komên çekdar ji bo destê xwe deynin ser berhemên wan û pereyan ji cotkaran bistînin, zordariyeke mezin li gundiyan dikin.