Li navçeya Sason (Qabilcewz) a Êlihê minibûsa ku xwandevan û karker têdebûn ji terazin û kendaleke 300 metreyî de çû xwarê û qulibî, di encamê de 2 kesan jiyana xwe ji dest dan, 5 jê giran 27 kes jî birîndar bûn. Hat zanîn kesên ku jiyana xwe ji dest dane bira û xwandevan bûne.

Li navçeya Sason a Êlihê li dora gundê Gurgenlî minibûsa ku xwandekar û karker têdebûn qulibî û ji 300 metreyî de çû xwarê. Li ser agahdar kirina kesên derdor tîmên tenduristiyê û hêzên ewlehiyê hatin cîhê bûyerê

Di bûyerê de 2 kesan jiyana xwe ji dest dan, 5 jê giran 27 kes jî birîndar bûn. Hat zanîn birîndar ji nexwaşxaneya Êlihê ya dewletê re hatin rakirin û hat ragehandin ji 27 birîndaran rewşa 5 birîndaran girane û metirsiya jiyanî heye.