Di raportê de hat gotin ku gengaz zêdetir e ku jin, li gorî zilaman mûçeyeke kêmtir werbigire. Li gor raportê, egera mûçeyeke ji heqê xwe kêmtir, bo jinan %21, bo zilama jî %13 e. Raport vê rewşê bi rola jinan di civakê de girê dide.

Ana Clevera ku di proseya amadekirina vê raportê de hebûye got jin, dema kar û barên malê dikin, heqê keda xwe nastînin.

Li gor raporta Oxfamê bi gelemperî jin, di sektorên kêm mûçeyê ên wekî, xizmetguzarî, paqijî, restorand û hwd de kar dikin.

Li gor nirxandina hevpeyvînên digel jinan, bi giştî tê gotin, xizaniya kedê fişaran dike ser rewşa fîzîkî û derûnî û herwiha çima ku karên wan zehmet in, bi demekê dirêj didomin û xeternak in, ligel wê jî strêsa anîna dawiya mehê, dibin sedema westaneke fizîkî, gerdûnî û giyanî.

Di raportê de hat gotin di nav jinan de herî zêde penaber, ciwan û malbatên bê dêyî an bê bavî zehmetiyê dikşînin.