Li Fransayê termên jineke Kurd û du zarokên wê hatin dîtin
Li Fransayê cenazeyên jineke Kurd û du zarokên wê di hewza malekê de hatin dîtin. Sedema mirina wan nayê zanîn, polîs û dozgerîyê derbarê bûyerê de dest bi lêkolînê kirine.
Navenda Nûçeyan - Bûyer roja 2ê Hezîranê li bajarê Montpellierê li herêma Juvignac qewimî ye.
Navê wê jinê Dîlek Dîkmen Yucetep û 35 salî bûye. Herwiha herdu kurên wê jî 2 salî û 5 salî bûne.
Li gor agahîyan, Dîlek xelkê navçeya Pilemurîyê ya Dêrsimê ye.
Hatîye ragihandin, ku hevjînê Dîlekê, Muharrem Yucetep ku xelkê navçeya Mazgirtê ye, piştî ku Dîlekê û zarokên xwe li malê nabîne, li wan digere û piştre cenazeyê wan li hewza malekê dibîne û tîmên tendirustîyê agahdar dike.
Heta niha hûrgilîyên mirina wê dayika Kurd û zarokên wê nehatîye zanîn.
Cenazeyê hersê kesan bo otoposîyê rakirine Pizîşkîya Dadê, daku sedema mirina wan were zanîn.
Li gor agahîyan, Dozgerîya Montpellierê derbarê bûyerê de dest bi lêkolînê kirîye. Dozger Fabrice Belargent ragihandîye, hêj ti belge li ber dest nînin, ku egereke criminal pê bê piştrastkirin.
NÛÇEYE ŞÎROVE BIKE
JI kerema xwe re şîroveyên xwe jî bi gramera kurdî ya rast û tîpên kurdî binivîsin