Li Herêma Kurdistanê 26 kesên din bi Koronayê can dan û zêdetirî 1100 kesên din jî pê ketin.

Wezareta tenduristiya Kurdistanê ragihand, di nav 24 saetên derbasbûyî de hezar û 137 kes li Herêma Kurdistanê bi Koronayê ketine.

Wezaretê her wiha da zanîn, ji duhî de 26 kes bi Koronayê mirine û 513 nexweşên Koronayê jî baş bûne.

Li gorî amarên han, hejmara pêketiyan li Herêma Kurdistanê gihîşt 78 hezar û 216 kesan. Hejmara kesên ku baş bûne jî gihîşt 43 hezar û 858 kesan û hejmara miriyan jî gihîşt 2 hezar û 509 kesan.