Navenda Nûçeyan - Rêvebirê Nexweşxaneya Rizgarî Dr. Botan Ebulqadir ji Rûdawê re ragihand ku 3 nexweşên ku çareserîya Covid-19 jê re dihatin kirin canê xwe ji dest dan.

Dr. Botan Ebulqadir herwiha da zanîn ku rewşa 6 nexweşên din ên koronayê ne baş e, û metirsî li ser jîyana wan heye.

Ligel van hersê kesên li Hewlêrê canê xwe ji dest dane, hejmara qurbanîyên vîrusa koronayê gihîşt 62 kesan.

Heta niha li Herêma Kurdistanê 2 hezar û 655 kes bi koronayê ketine û ji wan 104 kes baş bûne û 62 kesan jî canê xwe ji dest dane.