Navenda Nûçeyan - Çavkanîyekî ewlehîyê ji BasNewsê re got, duhî êvarê li taxa Bineslawe ya Hewlêrê, zilamekî 45 salî bi narincokê xwe û keça xwe kuşt!

Li gorî agahîyan, di demê de zavayê wî zilamî jî ku nêzîkî wê rûdanê bûye, birîndar bûye.

Li gorî agahîyên BasNewsê, ew zilamê ku xwe û keça xwe kuştîye, di warê derûnî de baş nebûye, ji ber ku çend saetan berîya ku xwe û keça xwe bikuje, li ser rûpela xwe ya facebookê behsa mirinê kiribû û gotibû, “Heta mirov nemire ti kes qîmeta mirov nizane…!”

Wî zilamî her wiha stranek bi navê “Paş Mergim” ya hunermendê kurd Mişko jî li ser facebooka xwe danîbû.