Xwenîşanderên roja Çarşemê bi şev li jimareke bajarên Amerîka kom bûn banga temamkirina hejmartina dengên hilbijartinê kirin.

Komên biçûktir yên piştgirîya berbijarê Partîya Komarî Serok Donald Trump dikin jî li pêş navendên hejmartina dengan yên li Michigan û Arîzona kom bûn.

Polîsên New Yorkê roja Çarşemê piştî bi şev piştî protestoyên aştîyane bi dehan kes desteser kirin.

Karbidestên ewlekarîyê dibêjin ku hin xwenîşanderan agir vêxistine û bi berpirsên ewlekarîyê re pev çûne û hewil dane ji radeya protestoya aştîyane derkevin.

Xwenîşander li Chicago, Los Angeles, Seattle, Houston, Pittsburgh, Minneapolis û San Diego jî meşîyan.

Wan xwest ku hejmarkirina dengan temam bibin û herwhia bal kişandin ser ‘’newekhevîya nijadî’’, ku îsal li jiber wê li Amerîka jimareke protestoyan li dar ketibûn.

Alîgirên Serok Donald Trump bo rawestandina hejmartina dengan li Detroit ya Michiganê çûn pêş navendeke hejmartina dengan û hin alîgirên din yên li Phoenix ya Arîzona jî sloganên wek ‘’Dizîyê rawestînin’’ gotin.