Li herêma Xûzistan ya Îranê erd hejiya. Tê gotin ku mirî û birîndar hene.
Li gorî medyaya Îranê, îro saet 11:30 bi dema Îranê (10 bi dema Kurdistanê) li nêzîkî bajarê Mescid Silêman li herêma Xûzistanê erd bi tundiya 5.7 pile hejiya.
Li gorî agahiyan, heta niha herî kêm kesek miriye û 4 kes jî birîndar bûne.
Tê gotin ku li hinek taxên bajêr xanî û avahî hilweşiyane û xelk di bin de mane, ji ber wê jî tê texmînkirin ku hejmara mirî û birîndaran zêde bibe.
Piştî wê erdheja tund, 4 çarên din jî erd hejiya ku ya herî xurt 4.7 pile bû.
Tundiya erdhejê ew qas zêde bûye ku xelk li herêmên Hemedan, Kirmaşan, Loristan, Îlam, Bextiyarî, Şîraz, Îsfehan û çend bajarên din jî pê hesiyane.
Bajarê Mescid Silêman girêdayî herêma Xûzistan (Ehwaz) ya Îranê ye. Ew der bi petrolê navdar e ji ber ku yekemîn bîra petrolê ya Rojhilata Navîn li wir hatiye lêdan.Piraniya xelkê bajêr ereb in.