Navenda Nûçeyan- Cîgirê wezîrê spor û gencan yê Îranê, Mihemed Mehdî Tundgoyan ji medyaya Îranî re gotîye, rêjeya zewicandina keçên ku temenê wan ji 15 salan kêmtir gelekî zêde bûye.

Tundgoyan daye zanîn, ev rêje li gorî par çar caran zêde bûye û gotîye, malbatên belengaz tenê ji bona ku kirêdîya zewacê (30 milyon tûmen – derdora 3 hezar dolar) bistînin, keçên xwe bi zorê didin şû!

Li gorî qanûnên Îranê, lazim e temenê keçan di dema şûkirinê de ji 13 salan û yê xortan jî ji 15 kêmtir nebe.